Hemşaredaranê Şaredarîya Amedî ya Şaristanê Girdî Serra Bucak û Dogan Hatunî, Roşanê Qurbanî ra ver, karkerê şaredarîye reyde ameyî têhet û roşanê înan pîroz kerd.

Hemşaredarê Şaredarîya Amedî ya Şaristanê Girdî Serra Bucak û Dogan Hatun, betlaneyê Roşanê Qurbanî ra ver, personelanê şaredarîye reyde ameyî têhet. Bernameyo ke Roşanî ra ver bî, Hemşaredaran karkerê şaredarîye dîyî û roşanê înan pîroz kerd.

Hemşaredaran Bucak û Hatunî, personelê ke serê sibayî ameyî mesayîya xo, Sekreterê Pêroyî yê Şaredarîya Şaristanê Girdî Serdar Bakiroglu, Hetkarê Sekreterê Pêroyî Zerîn Turk û Muhabbet Erdogmuş, û serekanê daîreyan reyde, verê awanîya xizmetê şaredarîye de pêşwazî kerdî.

Hemşaredarê ke yew bi yew karkeran reyde roşan pîroz kerd, karkeran rê seba wezîfeyanê înan asanî û serkewtiş waşt. Hemşaredarê ke karkeranê şaredarîye reyde qisey kerd, waşt ke Roşanê Qurbanî hîsê hempariye, yewîye û pîyabîyayîşî xurt bikero.