Hemşaredaranê Bajarê Girdî yê Amedî Serra Bucak û Dogan Hatunî qezaya Sûrî de esnafan reyde ameyî têhet û înan rê sipas kerd.

Cadeyê Înonu de zîyaret dest pêkerd û hemşaredarê Sûrî Gulan Fatma Onkol û Adnan Orhan, Sekreterê Şaredarîya Bajarê Girdî yo Pêroyî Emrullah Gorduk û Hemserekê Partîya DEM’î Pinar Sakik Tekîn û Abbas Şahîn zî hemşaredaran reyde pîya bîyî.

Hemşaredaran esnaf û şarê Sûrî ra eleqeyêko weş dî û înan reyde sohbet kerd, gazin û pêznîyazê înan goşdarîtî. Hemşaredan seba weçînayîşê 31ê Adare şar û esnafê Sûrî rê sipas kerd. Esnafan zî Hemşaredaran rê serkewtiş waşt û tebrîk kerd.