Hemşaredaran kampanyaya pakîye daye destpêkerdene

Hemşaredaranê Bajarê Girdî yê Amedî Serra Bucak û Dogan Hatunî bi ekîbanê pakîye Dortyolê Baglarî de kampanyaya pakîye daye destpêkerdene.

Serekîya Daîreya Kontrol û Pawitişê Derûdorî bi ekîbanê xo bajarî mîyan ra xeylê cayan de, 136 rayîrê girdî, meydan, termînalê otubusan, yê mîyanê bajarî, yê qezayan de û nêweşxaneyan de kampanyaya pakîye  Dortyolî de daye destpêkerdene.

Hemşaredarê Bajarê Girgî yê Amedî Serra Bucak û Dogan Hatun, Hemşaredarê Baglarî Leyla Ayaz û Sîraç Çelîk, Hemşaredarê Yenîşehîrî Safîye Akdag û Mehmet Ergun zî beşdarê destpêkerdişê kampanya bîyî.

Hemşaredaran, wasitayanê pakîye û personelan reyde pîya rayîr û peyerayîrî bi awa kefine şutî. Şarê Dortyolî zî bi çepik û eleqeyê xo destek da hemşaredaran.

Bucak: Seba Amedêkê hîna pakî

Hemşaredara Bajarê Girdî yê Amedî Serra Bucak derheqê kampanya de qisey kerd û wina va; "Ewro ma kampanya bi Hemşaredaranê xo yê Baglar û Yenîşehîrî daye destpêkerdene. Ma bi ekîb û şarê xo Dortyolî ra dest pêkenê. Ewro ra dima ma do seba Amadêkê hîna pakî bixebitîyê û dewam bikerê. Wa şarê ma zî cade û kuçeyan pak verdo, çopanê xo bierzo konteyneran. Wa rayîrê ma akerde bibo."

Baglar de cadeyî ameyî pakkerdene

Personelê Şaredarî yê pakîye pêro şewe cadeyê Nuket Coşkun, Fatîh û Gorselî bi awa kefine şutî û pak kerdî.

Image Gallery

Serrnameyî de bigêre

« Temmuze 2024 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31