Parkî yenê newekerdene

Şaredarîya Amedî ya Bajarê Girdî, parkan de çayir çînena, roşnîyan temîr kena û kerrayê bodûrî ke şikîyayî yan zî cayê xo ra vejîyayî, heme newe kena ke şarê ma germê hamnanî de şêro parkan de biarisîyo û wext bivîyarno.

Serekîya Daîreya Park û Baxçeyan kêmanîyê ke tespît kerdî, yew bi yew dest bi xebatan kerd ke hemînan newe bikera.

Bi taybetî zî parkan de seba ke germê hamnanî de şar zaf şino ronişeno, dest bi xebatanê binawanî û serawanîyan kerd. Qezaya Kayapinarî de parka 75î de kêmanîyê heme ameyê çareserkerdene.

170 donum çayir ame çînayîş

Bi ekîbanê Şaredarîya Kayapinar û yê Bajarê Girdî nêzdîya 170 donum çayir ame çînayîş. Lemê ke parkan de yê, heme ameyî tarşnayîş û roşnîyê ke nêxebitênê ê zî ameyî temîrkerdiş.

Cayanê pîknîkî de şaredarî xebitêna

Serekîya Daîreya Park û Baxçeyan cayê pîknîkî de ke sînorê Qezaya Yenîşehîrî de yo, uca de zî dest bi xebatanê binawanî û serawanîyan kerd.

Bi ekîba xo 25 kesan çayirsn dana çînayîş û leman dana tarşnayîş. Û sewbîna zî roşnîyê ke nêxebitênê ê yenê newekerdene eke hewce biko bankî zî yenê ronayene.

Serekîya Daîreya Park û Baxçeyan goreyê taqwîmê plananê xo Qezayanê Yenişehîr, Kayapinar, Baglar û Sûrî de xebatanê xo dewam kena.

Serrnameyî de bigêre

« Hezîrane 2024 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30