Hemşaredare Serra Bucak yewîna dermankerdişî û sitargehê heywanan kontrol kerd

Hemşaredara Şaristanê Girdî yê Dîyarbekirî Serra Bucak yewîna dermankerdişî û sitargehê heywanan kontrol kerd û waşt wa xebatî hîna bilez bibê.

 Hemşaredara Şaristanê Girdî yê Amedî Serra Bucak Serekîya Daîreya Karanê Weşîye de Mudurîya Karanê Baytarî, Mudurîya Weşîya Şarî û sitargehê heywanan kontrol kerd. Hetkarê Sekreterê Pêroyî Reşat Bakan û Sereka Daîreya Karanê Weşîye Ceyhan Sedef Eren zî hamşaredare reyde bîy.

‘Ganî dermankerdiş baş bêro kerdene’

Hemşaredara Şaristanê Girdî yê Amedî Serra Bucak personelanê Yewîna Dermankerdişî reyde ameye têhet û melumatî girewtî. Bucak ard ziwan ke ganî karê dermankerdişî bêmabên û baş bêro kerdene. Bucak da zanayene ke derheqê melşe û kêzikan de gazinî yenê û va, "Yewîna Dermankerdişî de zaf xebatkarê ma û wasitayê ma est ê" Bucak talîmat da karî dermankerdişî bêmabên û baş bêro kerdene.

Ma do heqanê heywanan bipawê

Hemşaredare Serra Bucak dima şîye sitargehê heywanan û personelan reyde ameye têhet û melumatî girewtî dima zî sitargehî de gêraye. Bucak da zanayene ke înan waşto bi çimanê xo bêrê sitargehî bivînê û ê do heqanê heywanan ê werd, tedawî û ciwîyayîşî bipawê. Bucak ard ziwan ke ê do mîyanê şaristanî û qezayan ra konteynerê weşîye bidê ronayene û tedawîyê heywanan reyde eleqedar bibê. Bucak wina va: "Ma heywanan reyde mucadele nêkenê, ma heqanê heywanan pawenê, ma do esas bigîrê û bixebitîyê ke heywanî bibê mird û bêrê sitarkerdene.

Serrnameyî de bigêre

« Hezîrane 2024 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30