Guzeloglu: “Dîyarbekir bajarêko ala Îslamî yo”

Dema Xelîfe Hz. Omer de, bi fermandarîya Îyaz Bîn Ganem pê 8 hezar kesî 27ê Gulane serra 639 de ameybî girewtiş û serrgere girewtîşê Dîyarbekirî pê çalakîyan ame pîrozkerdiş.

Dema Xelîfe Hz. Omer de, bi fermandarîya Îyaz Bîn Ganem pê 8 hezar kesî 27ê Gulane serra 639 de ameybî girewtiş û semedê serrgere 1381. ya girewtîşê Dîyarbekirî Camîya Hz. Suleymanî de merasim ame serrast kerdiş.Merasîm rê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzelogluyî, Parlementerê AK Partîyê Ebubekir Bal, Serdozger Ahmet Yavuz, Fermandarê Cenderme ya Mintiqa Tuxgeneral Mustafa Başoglu, Qeymeqamê Sûrî Abdullah Çiftçi, Fermandarê Cendermöe ya Bajarî Tuxgeneral Mustafa Erdem, Midurê Asayîşê Bajarî Şukru Yaman û Mifteyê Bajarî Yavuz Selim Kayabayir beşdar bîyî.

 Merasîm pê tîvaletê Quran-î Qerîm dest pêkerd û merasim de Walî û Serekwekîlê Şaredarîya Bajarê Girdî yê Dîyarbekirî Hasan Basri Guzelogluyî qisey kerd. Walî Guzelogluyî:”Ez ewilî heme sahabeye şehîd rê rehmet wazena û ez înan bi minnet yad kena.Dîyarbekir serra 639 ra nata bîyo sey bajarêko ala Îslamî.Dîyarbekir pê şinasnayîşê Îslamî ra dima pê îman û ezan hînî bîyo hêzdar û ez hevîdara ke Dîyarbekir nê erjeyî xo rê wayîr bivejo.Homa yewî û pîyayîya ma bipawo.Heme şehîdanê Îslamî rê silaf bo.