Hadreyîne Plansazîya Stratejîk a 2020-2024î dest pêkerd

Hemserekê Şaredarîya Bajarê Girdî yê Amedî Dr.Selçuk Mizrakli kombîyayîşa Plansazîya Stratejîk a 2020-2024î de qisey kerd û “Ganî ruhê bajarî bibo,ganî desî bajarî ma ra qisey bikerê. Û quçeyanê bajarî ma dir qalî bikerê û şanika bajarî bibo.O semed ma bajarê xo ra “Amed Bajarê Bîr û Evînê” vatî .Ma ganî ameyoxê xo  têreyde bi no vîzyonî saz bikerîme” vat.

Şaredarîya Bajarê Girdî yê Amedî hadreyîne Plansazîya Stratejîk a 2020-2024 rê dest pêkerd.Hadreyîne Plansazîya Stratejîk Salona Perwerde ya Şaredarîya Girdî de dest pêkerd.Kombîyayîş rê Hemşaredar Mizrakli,Hetkarê Sekreterê Pêroyî ya Şaredarîyê û Koordînatorê Plansazîya Stratejîk Ekrem Yeşîl,Beşê Averberdîşê Stratejîyî,Ekîbê Plansazîya Stratejîk û selahîyatdaranê UNICEFî tewrê bîyî.Kombîyayîş de hetê Midurîya Plansazîya Stratejîk daşinasnayîşê Projeyê Bajarê Gedeyan ser o pêvînayiş virazîya.

Kombîyayîşê Plansazîya Stratejîk de Hemserekê Şaredarîya Bajarê Girdî yê Amedî qisey kerd û “Lijne û dezgeyanê kamûyî semedê sibarojê xeylê plansazîyan û sermayegozarîyan  virazenê.La hetê rêveberîyanê hêremî biewnîme xeylê warî xebatê vêjîno ma ver.Eke şima erbabê sîyasî bibê şima eşkenê sozanê her çiyî bidî la ma nêeşkenê çîyêko wîna bikerîme.Çike ma ganî qapasîteya xo weş analîz bikerîme ke sozanê xo bîyarîme ca” vat.

“Çimanê cinîyan no bajar senî aseno”

Hemşaredar Mizrakli dîyar kerd ke ganî ma plansazîya sibarojê xo weş bifikirîme û têreyde saz bikerîme û ganî ma gora 5 serrî  plansazîyê nêy ma ganî gora 25 serrî plansazîya xo bivirazîme û badê wîna va: “Cinîyêk no bajar de xo senî hîs kenê ?Çimanê cinîyan de bajarê ma senî aseno?Ganî ma perspektîfa heme hemwelatijî xo ra biewnîme ke xizmetanê tewr weş bîyarîme ca. Ez xizan a.Ez a asteng a. Çimanê mi nevînena ganî ma xo bikerîme herinda heme hemwelatijan.O semed çareserkerdîşê nê probleman zî bi plansazîyêko hîra mumkun beno.”

Ma evîndarê sibarojê xo yê

Hemşaredar Mizrakli aşkera kerd kê kombîyayîşa  hadreyîne plansazîya stratejîk de “Ganî bajarêko senî bibo” ser o vinderta û badê wîna dewom kerd:”Ganî ruhê bajarî bibo,ganî desî bajarî ma rê qisey bikerê û quçeyanê bajarî ma dir qalî bikerê û ganî şanika bajarî bibo. O semed ma bajarê xo ra “Amed Bajarê Bîr û Evînê” va .Ma ganî ameyoxê xo  têreyde bi no vîzyonî saz bikerîme” vat.

Forûmê Plansazîya Stratejîk a Muxtaran bêro viraştene

Şaredarîya Bajarê Girdî yê Amedî bi kombîyayîşê plansazîya stratejîk  rê bi beşdarvanîya demokratîk dewom bikero û no qepsam de Forûmê Plansazîya Stratejîk a Muxtaran bi tewrê muxtaranê 17 qezayî  bêrî viraştene. Forûmê Plansazîya Stratejîk a Muxtaran 13ê Temmuze Roja Şeme saet 10: 00 de Merkezê Kultur û Kongreyî ya Şareadrîya Girdî de bi tewrê muxtaranê Sûr,Baxlar,Yenîşehrî û Peyasî dest pêbikero û  31ê Temmuze Roja Çarşeme do temom bibo.         

 

Serrnameyî de bigêre

« Temmuze 2019 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31