Guzeloglu tewrê merasîmê Hewteyê Perwerdeyî bî

Walî û Serekwekîlê Şaredarîya Bajarê Girdîye Hasan Basrî Guzelogluyî tewrê Merasîmê Pîrozkerdişê Hewteyê Perwerdeyî bî, dersê sifte ya emser daye.Pîrozkerdiş,Dibistana Mewlana ya Peyasî de serrast bî.

Walî û Serekwekîlê Şaredarîya Bajarê Girdîye Hasan Basrî Guzelogluyî tewrê Merasîmê Pîrozkerdişê Hewteyê Perwerdeyî bî.Merasîm rê Walî Guzeloglu,parlementer Oya Eronat,Midurê Pêroyî ya Perwerdeyê Dînî ya Wezaretê Perwerdeyî Mîlî Nazîf Yilmaz,Hetkarê Walî Nıhat  Karabiber,Qeymeqamê Peyasî Unal Koç,Şaredarê Baxlarî Huseyin Beyoglu,Midurê Asayîşê Bajarî Taceddin Aslan,Midurê Perwerdeyê Bajarî Feysel Taşçier,midurê lijneyan,rêveberê Midurtîya Mîlî Egitimê,mamoste,wendekar û keyeyanê wendekaran beşdar bîyî.Merasîm bi rêzgirewtiş û wendîşa Marşa Îstîqlalî dest pêkerd.Wendekaran derheqê Hewteyê Perwerdeyî de şîîr wendî.

Midurê Perwerdeyê Mîlî ya Bajarî Feysel Taşçierî derheqê giringîya rojane de qalîkerdişêk viraşt.Badê Midurê Pêroyî yê Perwerdeyê dînî ya Wezaretê Perwerdeyê Mîlî Nazîf Yilmazî zî derheqê rojê de qaLîkerdişêk viraşt.Badê Walî Guzelogluyî qalîkerdişêk viraşt û va ke ewro Dîyarbekır de ma 709 mektebon di bi 506 hezar wendekar û 23 hezar mamosteyî dest pê Hewteyê Perwerdeyî kerd.Guzelogluyî badê wîna dewom kerd:”Ma 17 qeza û merkezê bajarî de heme mektebon di emser balê xo bideme wendekaran3e xo ser.Wendekar pawtê ma yo û ma ganî wendekranê xo bi bawerî û bextewarî hadreyê sibaroje bikeme.No gedeyon sibaroje bajarî ma yo.”

Birêz Guzelogluyî qalîkerdişa xo de behsê giringîya perwerdeyî, wayîrvejîayîşê gedeyan û xebatanê semedê wendîşe kerd.

Hemeyê Dîyarbekırî de dersê blok ame weriznîyayene

Walî Guzelogluyî bal ont ke firsendê walîtî û şaredarîyê semed perwerde û wendekaran seferber bikero û badê wîna dewom kerd:”Her mekteb ganî bibo tîrêj û roşnayî bide dorûverê xo.Teyna saetanê dersan de ney ganî bi aktîveteyê sosyalî ganî 7 roje 24 saetê xizmet biderê wendekaran.Ganî mekteban bibê merkezê îlm û zanistê.Ma binawanîye fîzîkî yê mektebon baş bikeme û ma pê mektebon piştgirîyê bideme qursanê sosyal û sportîfî.Ma qed musade nêkenî ke bi nameyê bexşî wendekar û keyeyanê wendekaran ra pere bêro girewtene.”Walî Guzelogluyî destpêkî hewteyê perwerdeyî pîroz kerd û heme wendekaran rê serkewtîşî waşt.

Walî Guzeloglu û heyetê pîya merasîmê ra dima dersxaneyan de gêrayî û dersê sifte ya emser daye wendekaran.Sewbînan Walî Guzelogluyî çenteyê ke têde qelem,defter estbî wendekran rê vilakerd.

Badê Walî Guzeloglu û heyetê pîya   Kayapınar Şehit Halit Gülser Kız Anadolu İmam Hatip Lisesiyê zîyaret kerdê û wendekaran ra ameyî têhet.Zîyaret de pî û birayê Şehît Halît Gulserî zî estbî û Walî Guzeloglu wendekaran ra mudeyek suhbet kerd î hevîyê înan pers kerd.

Serrnameyî de bigêre

« Êlule 2019 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Arşîvê xeberan