Hevserokê Şaredariya Bajarê Mezin a Amedê Dogan Hatun, serdana Şaredariya Karazê kir.

Hevserokên Şaredariya Bajarê Mezin Serra Bucak û Dogan Hatun, ji bo tespîtkirina pirsgirêkên li navçeyên gundewarî û ji bo pêşxistina çareseriyan xebatên xwe didomînin. Di vê çarçoveyê de Hevşaredar Dogan Hatun, serdana navçeya Kocaköyê kir.

Hevşaredar Hatun, ji aliyê Hevserokên Şaredariya Karazê Hanim Altindag û Mehmet Şik ve li avahiya şaredariyê hat pêşwazîkirin.

Hevşaredar Hatun, derbarê xebatên ku li navçeyê têne meşandin de ji Altindag û Şik agahî girt û ji bo çareserkirina pirsgirêkan, serokên daîreyên têkildar peywirdar kir.

Hevşaredar Hatun, piştî serdana şaredariyê, serdana şaxên DÎSKÎ û Îtfaiyeyê yên Karazê kir. Hevşaredar Hatun, bi rêvebirê şaxê û personelê re hat cem hev, derbarê xebatan de agahî girt û xwest ku zûtirîn dem bersiv ji daxwazên welatiyên navçeyê re were dayîn.

Di serdana navçeyê de, serokên daîreyan û endamên meclîsê Hevşaredar Hatun re bûn.