Hevşaredara Bajarê Mezin a Amedê Serra Bucak, tevli meşa ku ji aliyê DAKAP û Tora Têkoşîna li Dijî Şîdetê ve derbarê kuştinên jinan de hatibû lidarxistin, bû.

Platforma Jinên Amedê ya Dîcleyê (DAKAP) û Tora Têkoşîna li Dijî Şîdetê, derbarê kuştinên jinan de bi dirûşma “Li dijî kuştinên jinan em di serhildanê de ne” ji pêşiya Şaredariya Bajarê Mezin a Amedê heta Meydana Deriyê Çiyê meş li dar xist. Hevşaredara Bajarê Mezin a Amedê Serra Bucak, hevşaredarên navçeyan, nûnerên rêxistinên jinan û jin tevli meşê bûn.

Li Qada Deriyê Çiyê nûnerên rêxistinên jinan daxuyanî dan û bal kişandin ser zêdebûna kuştinên jinan û anîn ziman ku mafên jiyanê yên jin û zarokan, di bin navê newekheviya zayendî de tên çewsandin. Di daxuyaniyê de hat xwestin ku dengê jinan bê bihîstin.

Piştî daxuyaniyê jinan çalakiya rûniştinê li dar xist.