Şaredariya Bajarê Mezin a Amedê, tevî hişyariyan, di çarçoveya xebatên xwe yên li dijî firoşkarên heywanan ên bêdestûr ên li navenda bajêr de, 14 cihên firotin û serjêkirinê mor kirin.

Serokatiya Daîreya Zabitayê, piştî ku Wezareta Çandinî û Ajelvaniyê ji ber "Nexweşiya Şapê" borsayên heywanan girt, xebatên xwe yên li dijî firotin û serjêkirina heywanan a bêdestûr, ku bi taybetî li navendên niştecihan ên navenda bajêr dibin sedema qirêjiya jîngehê û pirsgirêkên tenduristiyê, didomîne.

Tîmên Serokatiya Daîreya Zabitayê, yên ku bi Midûriyeta Zabita ya Şaredariya Rezan û Midûriyeta Parêzgeha Çandinî û Daristanan re xebatên hevbeş dimeşînin, li Taxa Yenîkoyê ya navçeya Rezan, Taxa Peyasê ya navçeya Kayapinarê û Taxa Şehîtlikê ya navçeya Yenîşehîrê kontrol kirin.

14 cihên firotin û serjêkirinê hatin morkirin

Tîmên ku xebatên xwe li Taxa Yenîkoyê dan destpêkirin, 14 cihên firotin û serjêkirina heywanan ên firoşkarên heywanan ên ku berê hişyariyan nedîtibûn, mor kirin. Tîman ji bo valakirinê jî ji bo 2 cihên xwedîkirina heywanan ên ku di nav kolanan de hatine tespîtkirin, rapor girtin û 1 hefte dem dan. Piştî qedandina dema hefteyekê, dê li ser kesên ku hişyariyan nedîtibûn kiryarên hiqûqî werin sepandin.