Şaredariya Bajarê Mezin a Amedê, 450 metreyên bulwara Selahedîn Eyyûbî asfalt kir û xist ber xizmeta gel.

Serokatiya Daîreya Koordînasyona Binesazî û Lênihêrîna Rêyan, xebatên xwe yên çêkirin, lênihêrîn û başkirina rêyan li navenda bajêr didomîne. Ekîban di 1’ê Tîrmehê de li ser 1,1 kîlometre beşa bulvara Selahedîn Eyyûbî ya di navbera Bulwara Urfayê û Kolana Ahmet Arîf de dest bi xebatan kiribû. Di beşa 450 metreyî ya bulvarê de, ku ji Çarxerêya Qantarê dest pê dike heta Çarxerêya Bulvara Firatê, xebatên başkirina zemînê hatin kirin, xetên avên baranê yên kêm hatin danîn û bi xetan ve hatin girêdan.

36 makîneyên kar di xebatan de cih girtin

Di xebatên asfaltkirinê de, ku 1 Makîneya Xişandina Asfaltê, 1 Greyder, 2 Arazoz, 2 Sîlîndirên Axê, 20 Kamyon, 3 Fînîşer, 2 Sîlîndirên Tekerên Lastîk, 4 Sîlîndirên Bandajên Hesinî û 1 Makîneya Dîstîrbûtorê û 20 karker kar dikirin; binesaziya avên baranê, berfirehkirina binbingehê, bingeha esasî, tebeqeya bingehê ya bîtumîn û tebeqeya binderê ya rê hat çêkirin û xebatên asfaltê yên li ser 450 metreyên bulvarê hatin temamkirin.

Beşek ji bulvarê ji trafîkê re vebû

450 metreyên rê, ku îşaret û xetên rê jî lê hatibûn kişandin, ji trafîkê re ve bûn û xistin ber xizmeta gel.

Li ser beşa ku xebatên asfaltê lê hatine temamkirin, di rojên pêş de xebatên peyarê, peyzaj û ronahiyê jî dê bên qedandin û ji bo welatiyan bên vekirin.

Ekîban li ser beşa mayî ya bulvarê dest bi xebatan kir

Ekîban, di beşa 650 metreyî ya mayî ya bulwara Selahedîn Eyyûbî de jî ku di navbera Çarxerêya Bulvara Firatê û Kolana Ahmet Arîf de dimîne, dest bi xebatên çêkirin û nûkirina rê kirin.