Şaredariya Bajarê Mezin a Amedê, bi rêbazên tedawîkirina zû, bi sedan darên çinarê yên ku li Bulvara Firatê û Kolana Evdilqadir Aksu bi nexweşiya fungal (ku bi navê "kîvroşk" tê zanîn) ketibûn, rizgar kir û careke din hişîn kir.

Serokatiya Beşa Park û Baxçeyan, di meha Sibatê de li 120 darên çinarê yên rojavayî yên ku li Bulvara Firatê û Kolana Evdilqadir Aksu ya navçeya Kayapinarê bûn, nexweşiya fungal a bi navê "kîvroşk" tespît kir. Ev nexweşî bi hêsanî bi bê, pelan, çûkan û kêzikan belav dibû. Tîman bi destwerdaneke bilez rê li ber gihîştina nexweşiyê ya li ser laşê daran girt.

Beşên nexweş bi rêkûpêk hatin birîn, bi dermanên fungusît hatin tedawîkirin û li cihekî ewle hatin îmhakirin. Li şûna ku endezyarên ziraetê daran bi temamî ji kokê derxînin, bi rêbazên tedawiyê yên rast ew rizgar kirin.