Pêşbirka Tenîsê ya 15. Amed Cup ku ji aliyê Şaredariya Mezin a Amedê ve hat organîzekirin, bi coşkî dest pê kir. Koordînatora Pêşbirka Amed Cupê Mizgîn Kahraman, ku dixwaze ev pêşbirk di sala 2026an de bibe sedema pêşbirkek navneteweyî ya tenîsê, got ku ew ê her dem piştgiriya ciwanan û jinan li warê sporan bikin.

Bi armanca naskirina werzişvanên jêhatî û beşdarkirina wan di warê sporê, 15. Pêşbirka Tenîsê ya Amed Cup ku ji aliyê Serokatiya Daîreya Ciwan û Sporê ve hat organîzekirin, di Korên Tenîsê yên Park Ormanê û 75 Korên Tenîsê yên Girtî de dest pê kir. Di vê pêşbirkê de ku werzişvan ê jêhatiyên xwe nîşan bidin, bi kategoriyên "jinan A û B", "mêran A û B" yên 13 salî û jorter, bi tevahî di 4 kategorîyan de pêşbirk bi riya hilbijartinê dê bêne kirin.

319 lîstikvan dê têbikoşin

Pêşbirk li 3 cihên cihêreng, li 10 kortan dê bê lîstin: Kortên Tenîsê yên Park Ormanê 75 ên Girtî li herêma Kayapinarê ya Şaredariya Bajarê Mezin, Parka Ersin Tatar li herêma Baglar û Kompleksa Spor a Aştiyê ya 500 Evlerê li Kayapinarê. Di vê pêşbirkê de ku bi tevahî 319 beşdar ji bajarên derdorê yên wekî Mêrdîn, Şirnex, Êlih, Riha û Semsûrê beşdarî bûne, 223 mêr û 96 jin dê têkoşin.

Pêşbirk ku werzişvan tê de jêhatiyên xwe nîşan didin, heta 14 Îlonê dê berdewam bike. Pêşbirk bi merasîma xelatan ya ku ji bo werzişvanên derece girtî dê bê organîzekirin, dê bi dawî bibe.

"Di 15 salan de domandina çalakiyekê pir girîng e"

Tenîshezê ku li vekirinê hat vexwendin Hakki Firat, heyecana ku li ser pêşbirkê dijî anî ziman. Firat ku got pêşbirka 15. Amed Cup bi destpêkek bi coşkî dest pê kir, got: "Her çiqas kêmasiyên wê hene jî, ez difikirim ku di 15 salan de domandina çalakiyekê pir girîng e. Wekî tenîshezekî, ez spasiya yên ku di vê pêvajoya 15 salan de beşdarî hatin vir dikim."

"Em dixwazin bibe sedema pêşbirkêyek navneteweyî ya tenîsê"

Koordînatora Pêşbirka Amed Cup Mizgîn Kahraman jî got ku wekî Şaredariya Mezin a Amedê ne tenê li ser tenîsê, lê li ser gelek beşan xebatên xwe didomînin. Kahraman ku anî ziman ku îsal ji Dibistanên Spor ê Havînê, 8 hezar zarok ji kursên ku di 11 beşên cûda de têne dayîn sûd wergirtin, got yek ji van beşan jî tenîsa kort e. Kahraman weha axivî: "Em her dem dibêjin ku em li kêleka ciwanan, zarokan û jinan in. Em dixwazin pêşbirka tenîsê ya me ya 15. Amed Cup di sala 2026an de bibe sedema pêşbirkeke navneteweyî ya tenîsê."