Hevşaredara Şaredariya Bajarê Mezin a Amedê Serra Bucak, beşdarî komxebata Elewiyan a ku ji aliyê Komeleyên Elewiyan ên Demokratîk (DAD) ve hatibû lidarxistin, bû.

Di komxebata ku li otelekê li bajêr hat lidarxistin de, pirsgirêkên civaka Elewî yên ku dijîn, rîskên li hemberî wan, modelên rêxistinbûna serdema nû, û rola Elewiyan di Pêvajoya Aştî û Civaka Demokratîk de hatin gotûbêjkirin. Ji bilî Hevşaredara Şaredariya Bajarê Mezin a Amedê Serra Bucak, Hevseroka Giştî ya Partiya Herêman a Demokratîk (DBP) Çîgdem Kiliçgun Uçar, parlamenter, nûnerên partiyên siyasî û rêxistinên civaka sivîl beşdarî vê komxebatê bûn.