Şaredariya Bajarê Mezin, bi armanca zêdekirina konfora veguhestinê û ewlehiya trafîkê li giştî bajêr, xebatên nûkirina rêyan didomîne. Tîmên Serokatiya Daîreya Avakirin, Lênêrîn û Temîrkirina Rêyan, li kolan û bulvarên ku xebatên binesaziyê lê qediyane, asfaltê dirêjin.

Ji bo Kolana Ebdulqadir Aksu 9 hezar û 200 ton asfalt

Di çarçoveya van xebatan de ku li Kolana Ebdulqadir Aksu ya li navçeya Kayapinarê hatin meşandin, li ser rêya bi dirêjahiya 1.900 metre û bi panahiya 30 metre bi giştî 9 hezar û 200 ton qata xulqandinê hat rêtin. Bi qedandina xebata asfaltê re, kolana nûkirî piştî kontrolên pêwîst ên tîman ji nû ve ji trafîka wesayîtan re hat vekirin.

Kolana Gîrneyê piştî xebatên gaza xwezayî hat nûkirin

Li Kolana Gîrneyê ya li navçeya Baglarê jî piştî ku xebatên binesaziya gaza xwezayî qediyan, xebata nûkirina asfaltê hat kirin. Tîman li ser kolana bi dirêjahiya 780 metre û bi panahiya navînî ya 10 metreyî bi giştî hezar û 200 ton asfaltê germ rijandin.

Piştî qedandina xebatan Kolana Gîrneyê jî ji nû ve ji trafîkê re hat vekirin.

Xebatên asfaltê dê li 3 kolanên din bidomin

Şaredariya Bajarê Mezin, dê xebatên nûkirina rêyan li ser wan gûzergehên ku xebatên binesaziya gaza xwezayî lê qediyane bidomîne. Di vê çarçoveyê de dê li navçeya Baglarê li ser kolanên Nûkhet Coşkun, Kardeşlik (Biratî) û Goçmenlerê xebatên asfaltê werin kirin.