Atolyeya Muzîkî ya Gêrayoxe 13 Taxan de Resa Hezar û 700 Gedeyan
Atolyeya Muzîkî ya Gêrayoxe aşmêk de bi 17 atolyeyanê ke 5 qezayan de 13 taxan de ameyî kerdiş, resa teqrîben hezar û 700 gedeyan.
Atolyeya Muzîkî ya Gêrayoxe ke Şaredarîya Amedî ya Şaristanê Girdî bi amancê zêdekerdişê resayîşê gedeyan ê hunerî taxanê dewan de bicaard, aşmêk de bi 17 atolyeyanê ke 5 qezayan de 13 taxan de ameyî kerdiş, resa teqrîben hezar û 700 gedeyan.
Bernameyî de ke hetê Konservutuvarê Şaristanî yê Aram Tîgranî ra ame ramitiş, gedeyî muzîk, rîtim, resim û çalakîyanê afirnayoxan reyde ameyî têhet, hem keyf kerd hem zî tecrubeyê pîyaberhemardişî ceribna.
Gedeyanê ke Taxa Zorava û Kerwanpinarî de bi serûber perwerde dî, peynîya bernameyî de bi konseranê ke dayî, çîyê ke musayî ameyî sahnekerdiş.
Şaredarîya Amedî ya Şaristanê Girdî ke gedeyî bi vateyê "Ez do qet nê bernameyî xo vîr ra nêkerî" keyfweşîya xo ard ziwan, huner reyde ardî têhet, do xebatanê kultur û hunerî taxanê dewan de dewam bikera.