Goristanê neweyî de ke hetê Serekîya Daîreya Karanê Fenî ra Taxa Kabî ya qezaya Sûrî de warêko 588 hezar û 646 metrekareyî de yeno viraştiş, xebatî resayî daraxo peyên.

Proje de ke bi amancê ke xizmetê cenaze û defnî hîna biserûber û yewpar bêrê ramitiş, ame bicaardiş; qismo gird ê awanîyanê xizmetî yê bi pêroyî 3 hezar û 584 metrekareyî ke gasilxane, mescid, warê nimajê cenaze, warê pawitişê defnî, banê îdarî, destmajxane, atolye, depo û banê personelî yê, temam bî.

Proje de ke tede warê otoparkî yo 10 hezar û 120 metrekareyî zî est o, xebatê berê dekewtişî, rayîrê resî, war û serûberkerdişê dorûverî dewam kenê.

Badê temambîyayîşê xebatanê mendeyan warê goristano newe seba xizmetê hemwelatîyan do bêro akerdiş.