Mudirîya Şûbeyê Nêweşanê Kêmîpeyda û Kronîkan ke girêdayeyê Serekîya Daîreya Xizmetanê Astengdar û Pîran a, seba nêweşanê çolyakî û nezdîyanê înan bernameyê perwerdeyê cuya bêglutene viraşt.

Perwerdeyî de ke hetê dîyetîsyen û pisporanê xizmetê komelkî ra ame dayîş, prensîbê bingeyinî yê werdişê bêglutenî, edetê werdişî yê raştî, resayîşê xidayê biemnîyetî û îdareyê endîşeyî ser o qisey bî.

Şaredarîya Amedî ya Şaristanê Girdî ke demê 2025-2026î de bi perîyodan 6 hezar û 300 kolîyê xidayê bêglutenî vila kerdî, do xebatanê xo yê seba xurtkerdişê resayîşê nêweşanê çolyakî yê agahîya bibawere, xidayê biemnîyetî û mekanîzmayanê piştîdayîşê komelkî dewam bikera.