Şaredarîya Amedî ya Şaristanê Girdî, seba ke sewîyeya wendişê dîjîtalî yê cinîyanê ciwanan berz biko û înan sewq biko mesleganê neweyan, dest bi perwerdeyê bêheqî yê Komputerê Bingeyinî û Anîmasyonê 3D'yî kerd.

Serekîya Daîreya Xizmetanê Cinî û Keyeyan, programê perwerdeyê bêheqî yê Komputerê Bingeyinî û Anîmasyonê 3D'yî ke seba cinîyanê ciwanan o, da destpêkerdene. Programo ke seba berzkerdişê sewîyeya wendişê dîjîtalî yê cinîyan û hîrakerdişê mesleganê înan o, eleqeyêko weş ci rê ame dayene.

Perwerde ke cinîyê ke mesleganê cîyayan ra yê û êyê ke kar gêrenê zî beşdar bîyî, peynîya hewteyî de bi şeklê hîrê grûban dewam keno. Beşdarê ke perwerdeyê Komputerê Bingeyinî ke do yew aşmî dewam biko, biserkewtiş qedênenê, dima do dewam bikerê perwerdeyê Anîmasyonê 3D'yî ke do panc aşmî dewam biko.