Sporkar Nazli Bozkurta ke binê banê Şarederîya Şaristanê Pîlî ya Amedî de xebatanê xo dewam kena, Lîgê Premîer Karate yê Tirkîya Ümit Genç U21 û Şampîyonaya Karate ya Girdan ya Tirkîya de bîye hîrêyina Tirkîya.

Hetê Federasyonê Karate yê Tirkîya ra, linga pancina Lîgê Premîer Karate yê Tirkîya, Dîyarbekir de ame tertîpkerdene. Zafanê wîlayetanê Tirkîya ra 187 klup û hezar ra zêde sporkarî beşdarê organizasyono ke 2 rojî dewam keno, benê. Sporkar Nazli Bozkurta ke binê banê Serekîya Dayîreyê Xizmetanê Ciwanî û Sporî ya Şaredarîya Pîle ya Amedî de xebatanê xo dewam kena zî beşdarê Lîgê Premîer Karate yê Tirkîya Ümit Genç U21 û Şampîyonaya Karate ya Girdan ya Tirkîya bîye.

Sporkarê ke şaristananê cîyayanê Tirkîya ra amayê, gore bi grûbanê serran kategorîyanê cîyayan de xover da. Bozkurt, kategorîya U21 Kumîte 55 kg de zorê rakîbanê xo yê hêzdaran berd û bîye hîrêyina Tirkîya.

Bi qedîyayîşê qademê pancin ê Lîgê Premîer Karate yê Tirkîya, merasîmî reyde madalya û kupayî dîyay bi sporkaranê ke turnuva de derece girewta.

Gore takwîmê Federasyonê Karate yê Tirkîya, sporkaranê ke Lîgê Premîer yê Tirkîya de puan pêser kerdo, seba şampîyonîye do mucadele bikerê. Finalî ra dima rêza pêroyî bena zelal û sporkarê ke derece girewta heq fînê xo dest ke derextê taximan de Tirkîya temsîl bikerê.

'Ez do Madalyaya Zêrêne Bîyara Dîyarbekir'

Girewtişê xelîbîyetî ra dima Nazli Bozkurta ke sporkara bilîsans ê Şarederîya Girde ya Dîyarbekirî ya, behsê kêfweş bîyayîşê xo kerd û îfade kerd ke hedefê xo o yo ke Şampîyonaya Tirkîya de bivejîyo final û madalyaya zêrêne bîyaro Dîyarbekir. Bozkurt wina vat: "Ewro tîya de Lîgê Premîer yê Tirkîya ame tertîpkerdene. Tîya de U21 55 kîlogram de bîya hîrêyine. Ez Şaredarîya Gird ya Dîyarbekirî sipas kena ke pişte daya mi. İnşallah şampîyonaya ameyox a Tirkîya de, ez do vejîya finalî û madalyaya zêrêne bîyara Dîyarbekir."

'Ez do Dîyarbekirî Bi Hewayo Tewr Rast Temsîl Bikera'

Bozkurt îfade kena ke a nika ra seba Şampîyonaya Tirkîya do hazirîya xo bikera û Dîyarbekirî bi hewayo tewr rast temsîl bikera û vat ke "ez fikirîyeno ke ez do xurur bidera bi keye û antroneranê xo û şaredarîya ma.”