Zarokîstan de ke girêdayeyê Şaredarîya Amedî ya Şaristanê Girdî yo "Festîvalê Pastêq û Sûcûqê Gozan" ame viraştene.

Keyeyê Zarokîstanê 450 Evleran ê Kreş û Pawitişê Rojaneyî de seba daşinasnayîşê kulturê berhemardişê tradîsyonan " Festîvalê Pastêq û Sûcûqê Gozan" ame organîzekerdene.

Çalakîye de amanc o yo ke mîrasê kulturî domanan rê bêro dayene, metodê berhemardişê tradîsyonî bêrê daşinasnayene û şiûrê berhemardişî domanan de bêro awankerdene.

Gedeyan sûcûqê gozan viraşt.

Domanî bi rayberîya may û pîyê xo û mamosteyanê xo gozê ke la ra kerdbî, dekerd helîre mîyan sûcûqê gozan viraşt.

Domanî çalakîye reyde firsend dî ke kulturê rezan û vejîyayîşê engure yê qonaxanê cîyayan ra bizanê.