Projeyê EKAYî îstîhsalê enerjî de verê qedîyayişî de yo

Şaredarîya Bajarê Girdî ya Dîyarbekirî semedo ke hem weşîya şarî hem zî dorûverî bipawo pê projeya EKAYî (îdareyê Eşteyê Huşk ya Entegre) 17 qeza û merkeze bajarî de eşteyan bêro wekenitene, hem enerjî bêro îstîhsalkerdiş hem zî dorûverî bêro pawitiş.

Şaredarîya Bajarê Girdî ya Dîyarbekirî semedê bajarêko hînî pak şewe û roje xebatanê xo domneno. Serekîya Dayîreyê Pawitişê Dorûverî û Kontrolkerdişî ya Şaredarî serra 1996 ra nata çopanê ke aredanê heta nika Seheya Pêserkerdişê Çopî ya Qerejdaxî de îmxa kenê û pê projeya newe pê rehetî çopan bêrê vijnayiş û îmxakerdiş.

Ekîbê şaredarî etaba ewilî semedê îstîhsalê elektrîkî ya 1.5MW qapasîteyin de awankerdişê 2 motorê bîogazî hema hema qedîna.

Sewbînan seheya depokerdişî de xebata viraştişê elektrîk û otomasyonî dewom keno. Serekîya Dayîreyê Pawitişê Dorûverî û Kontrolkerdişî ya Şaredarî hedef keno ke heta pêynîya aşma Gulane awankerdişê motoran, girêdayişê elektrîk, otomasyon û trafoyî biqedîno û îstîhsalê enerjî dest pê bikero.

Xebata rehabîlîtekerdişî se ra 50 qedîya

Seheya Pêserkerdişê Çopî de rojane 475 ton eşte bêrê îmxakerdiş û hem dormeleyî hem zî weşîya şarî bêrê pawitiş. Ekîbê şareadrî projeya EKAYî de xebata rehabîlîtekerdişî se ra 50 qedîna.

Ekîbê şaredarî qepsema xebata rehabîlîtekerdişî de dumane ke eşteyan ra vejîno hewna û herre ravist. Ekîban xebatan di ewilî pê hedefa îstîhsalê enerjî dest pê xebatan kerd û qedîyayişê nê xebatan etaba dîyin de awankerdişê cayê cîyakerdiş û depokerdişê çopî bêro vdest pêkerdene.

 

Serrnameyî de bigêre

« Adare 2024 »
Diş Sêş Çrş Pan Yen Şem Yşm
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31