Şareadrîya Bajarê Girdî ya Dîyarbekirî semedo ke bajarî ma abikero bazarê Rojhelato Miyanen û Asyaya Miyanen , Dewa Lojîstîk awan keno û seba ci îhale dest pêkerd.

Îhaleyî rê Sekreterê Şaredarîya Girdî Ayhan Kardanî serekî kerd. Îhale Salona Îhaleyî ya Şaredarî de pê hewayêko peşnîyazê girotî virazÎya.

Kardanî da zanayene ke dewa lojîstîk semedê bajarê ma û hemwelatê ma çîyêko zaf girîng o.

Kardanî bade wina vat : “ Ma ewro semedê îhaleyê Dewa Lojîstîk ya Tirkîya ya en gird ameyê têhet.Dewa Lojîstîk 2 mîlyon û 200 hezar metrekare ca ser o pê 150 mîlyon dolarin sermayegozarî virazîyeno.Sewbînan Dewa lojîstîk semedê 5 hezar û 500 kesan rê zî ebrê îstîxdamî akero. Seba ekonomîyê bajarê ma û welatê ma projeyêke zaf girîng o.Ma zaf ehemîyet dane ina proje. Înşallah hem seba welatê ma hem zî seba bajarê ma bibo wesîleyê xeyran. “

Îhaleyî ra di fîrmayî şertname girewt labelê yew fîrma tewrê îhaleyê bî. Îhale hesabê medyayo kmelkî ya şaredarî ser o pê weşano ganî weşanîya.

Peşnîyazê fîrma girîya û hetê Serekê Komîsyonî ame qedînayiş.

Dewa Lojîstîk ke miyane projeyê vizyon ya şaredarî de ca gêna  û îdxalat û îxracat ra bigîrê resayişê çimeyan û depokerdişê heme çîyan de xizmet bide.

 Dewa Lojîstîkî ya tewr gird yeno awankerdiş

Dewa Lojîstîk 217 hektar ser o bêro awankerdiş û hem başûrê rojhelatî de cayêko sifte yo hem zî merkeze tewr giring a Tirkîya yo. Dewa lojîstîk de rayîro asin ya 5 şerîtin bêro viraştiş.

Dewa lojîstîk de 11 hezar metrekareyin 16 heb pê rayîro asin, 12 hezar û 500 metrekareyin 8 heb bê rayîro asin, 5 ehzar û 600 metrekareyin 11 heb, 2 hezar û 900 metrekareyin 23 depo, 161 hezar û 500 metrekareyin depoyê lîsansin ya cayê silo, termînalê rayîro asin, parke goreyê 700 heb tir û îstasyonê akaryakitî bera viraştiş.