Qeydê Mektebê Hamnanî dest pê kerd

Akademî lîseyanê ke Şareadrîya Bajarê Girdî ya Dîyarbekirî ser o xebate kenê, qeydê Mektebê Hamnanî akerd.

Akademî Lîseyan, Serekîya Dayîreyê Xizmetanê Spor û Ciwanî ya Şaredarî ser o xebate kene û wendekarê ke şînê dersxaneyê 9, 10,11, 12 û kesê ke tewrê îmtîhanê TYT-AYT benê eşkenê mektebe hamnanî ra îstîfade bikerê. Qeydan amBênê 20ê Hezîrane û 4ê Temmuze yena viraştiş.

Wendekarî tîya de hem perwerdeyê demê serra 2022-2023 bigîrê hem zî tewrê cîya-cîya çalakîyan bibê.

Wendekarî kişta dersan do tewrê çalakîyê klubanê drama,tîyatro,muzîk, govend, senet û dîyayîşkî,vîr û zeka,wênekeşî,teyaregehî, astronomi,satranç,teknolojî,kodlama û hema cîya-cîya kluban bibê.

Germbîyayîşê hewayî zî wendekarî rê kitabxaneyê honik de hewte de 7 roje xizmet bêra dayene û wendekarî do dersanê bîlîşîmî ra zî îstîfade bikerê.

Hamnanî de mirda xo tehtîl bikerê

Wendekarî do Kampa Hamannî ya Gezıne de hewteyêk mirda xo bê pere tehtîl bikerê, Wendekarî rê uca de çanteyo ke têde xewlî, verçimikê asnawkerdişî, şimik, mayo û bone estê bidîyê înan.

Wendekarî rê uca de hetê perwerdekaranê pîspor, semîneran bêra dayîş û ciwanî do atolyeyanê resîm, hunerê destan, govend,muzîk, wendîş,sînema,drama, robotik û rîtîm de perwerdeyî bigîrê.

Semedê averşîyayişê fîzîkî yê wendekaran çarçiwa falîyêtê sportîf de her roje saetanê dîyar de çalakîyê asnawberî, fitboll,basketbol,voleybol,satranç û voleybol bêrê viraştiş.

Cayê qeydî û belgeyi

Wexto ke gedeyî muracat kene, gereke xo reyde fotokopîyê nasnameye xo, belgeye wendekarî(semedê mezûnan diploma) bîyarê û Akademî Lîse ya Şehît Alı Gaffar Okkanî rê muracat bikerê.

 

Serrnameyî de bigêre

« Temmuze 2022 »
Diş Sêş Çrş Pan Yen Şem Yşm
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31