Şaredarîya Bajarê Girdî ya Dîyarbekirî, erdlerzê ke 6ê Sibate de Mereş di qewimîya ra dima, 6 henzar û 200 mexdûranê erdlerzî 12 rojî kerd mêman.

Şaredarîya Bajarê Girdî ya Dîyarbekirî, semedê mexdûranê erdlerzî Merkezê Kultur û Kongreyî ya Sezaî Karakoçî,Banê Mabeynan ya Peyas û Şehîtlîkî,Merkezê Cûya Aktîf,Kreşê Baxcilarî,Awanîya Xizmetanê Sosyal ya Cûya Muştereq ya Sumerparqî,Kitabxaneyê Sûmerparqî,Salona Sergîyê ya Sûmerparqî,Beşê Pîlan ya Sûmerparqî,Kompleksê Sporî ya Talaytepeyî,Meydana Sûke,Temapark,Parka Birayîye û Qehwexaneyê Şarî de roja ewilî ra nata akerd xizmetê şarî.

Şaredarî hetêk ra tesîsanê xo de 6 henzar û 200 hemwelatî kerd mêman heto bîn ra zî hîrê cem werdo germ vila kerd.

Şaredarîya Girdî semedo ke wa gedeyî ina prosesê hîna rehet biveynê cîya-cîya aktîvîteyan tertip kerd.

Semedê cinîyî mexdûranê erdlerzî û keyeyanê înan zî hetê pîsporanê sosyolog,psikolog,mişewrê keyeyan û rayberanê manewî destegê psikososyal dîya.

Şaredarî heme lazimtîyê (cil,sol,mama ûsn.) welatîyan peyda kerd.Şaredarî Banê Cilşutişî yê ke Unîversîteya Dîcle de ca gêna, hemwelatîyan rê xizmetê cil şutişî û ziwakerdişî dana.