Bananê ke qirarê rijnayîşî ame dayîş yenê rijnayîş

Şaredarîya Bajarê Girdî ya Dîyarbekirî,erdlerzo Mereşî ra dima 14 awanîyî ke qirarê rijnayîşî ame dayîş de xebata rijnayîş û wedaritişê xirbean domnena.

Şaredarîya Bajarê GirdÎ ya Dîyarbekirî kordînasyonê Wezaretê Dormeleyî û Bajarvanîyî qezaya Yenîşehîr û Baxlarî de bananê xesarinen de xebatanê xo domnena.

24ê Sibate de xebata rijnayîşî dest pê kerdbi û çarçeweya xebatan de blokanê A,C û D yê Sîteyê Galerîa de xebata rijnayîşî qedîya û xebata wedaritişê xirbeyan dewam kena.

Ekîbê şaredarî qezaya Yenîşehrî taxa Azîzîye de 2 awanîya bê wayîr û taxa Dokuzçeltîk de yew awanîya bê wayîr rijnayî.

Qezaya Baxlarî de zî ekîban 10 awanîyî ke qirarê rijnayîşî dîya yê, xebata rijnayîş û wedaritişê xirbeyan domnena.

Ekîbê şaredarî apartmananê Çarkanat 18, Akar1,Taş,Yalman 4,Kaymaz 4,Menekşe,Çelebî 5,Bariş 2 de zî xebata rijnayîş û wedaritişê xirbeyan domnena.Sewbînan qezaya Baxlarî de zî 2 awanîyî bê wayîr ame rijnayîş.

Xirbeyanê banan kirişîyeno Warê Herfîyatî ya Dokuzçeltîkî.

Mînareyî xesarinen yenê rijnayîş

Şaredarîya Bajarê Girdî ya Dîyarbekirî, semedo ke wa weşîya şarî bipawo mînareyî xesarinen zî rijnena.

Qezaya Baxlarî de minareye Camîya Yenîhalî û qezaya Yenîşehrî minareye Camîya Xizmetanê Dewe rijnayî.

Ekîbê şaredarî do ban û mînareyanê xesarinen de xebata rijnayîşî bidomno.