Şaredarî çimeyê jeotermal de xebatanê xo domnena

Şaredarîya Bajarê Girdî ya Dîyarbekirî pê şirikîya Midurîya Pêroyî yê Maden Tetkîk û Gêyrayîşî(MTA), çimeyê jeotermal de borîyê xeta jeotermal ronîyeno.

Serekîya Dayîreyê Averberdişê Çimeyan ya Şaredarîya Girdî, semedo ke wa çimeyê awgerma ke qezaya Sûrî taxa Çarixli de 2 henzar metre qûrî de ame kefşkerdiş û şina heta 65 derece germî, warê tûrîzm û zîretî de bêrê xebitnayene, xebatanê xo domneno.

Midûrîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) semedê resnayîşê awe xebata ronayîşê borîyê jeotermal da dest pêkerdiş.

Çarçewa xebate de ekîbê şaredarî, 2 henzar û 700 metre xeta borîyê jeotermale ke 25 lître/sanîye de awe herikîyeno, ronenê.

Midurê Pêroyî yê DÎSKÎ Firat Tutşî cayê ke xeta terfi vîyareno kontrol kerd û derheqê xebatan di agahî girewt.

Tutşî da zanayene ke ina proje hem hetê tûrîzmî hem hetê bazirganî û kulturî cayêho girîng der o û Midurîya Pêroyî ya DÎSKÎ  şewe û roje xebetîyeno ke wa berpirsîyarîyê xo bîyaro ca.