Hevserokên Şaredariya Bajarê Mezin a Amedê Serra Bucak û Dogan Hatun beşdarî mîtînga 1ê Gulanê ya li Êlihê hat lidarxistin bûn û li gel korteja ku ji aliyê karker û kedkaran ve hatibû avakirin, meşiyan.

Hevserokên Amedê Serra Bucak û Dogan Hatun ji bo tevlî mîtînga 1ê Gulanê ya ji aliyê Platforma Ked û Demokrasiyê ve hat lidarxistin bibin, çûn Êlihê.

Serdana Şaredariya Êlihê

Beriya mîtîngê Hevşaredar Bucak û Hatun serdana Şaredariya Êlihê kirin. Hevşaredar ji aliyê Hevşaredara Êlihê Gulîstan Sonûk, Alîkarên Şaredar Çîgdem Sevîm Demîr, Mustafa Tuxyildiz û endamên meclîsa şaredariyê ve hatin pêşwazîkirin. Hevserok Bucak û Hatun Sonuk pîroz kir û di xebatên wê de serkeftin xwestin.

Hevserok bi karker û kedkaran re meşiyan

Hevşaredar Bucak û Hatun piştî serdanê bi kortejên karker û kedkaran heta mîtînga 1ê Gulanê ya bi pêşengiya Platforma Ked û Demokrasiyê ya Êlihê hat lidarxistin meşiyan. Kortejên ku hat dîtin ku tevlîbûneke xurt heye, li durêyana Word Mar ya li Bulvara Tûrgût Ozal hatin cem hev û heta Parka Jinê ya 8ê Adarê ya ku mîtîng lê hat lidarxistin meşiyan.

Hevserokan ku di meş û mîtîngê de bal kişandin ser xwe, peyam dan ku ew ê li cem karker û kedkaran bin.