15ê Gulane Roşanê Ziwanê Kurdî bi Çalakîyanê Cîyayan do Pîroz Bibo
Şaredarîya Amedî ya Şarsitanê Girdî 15ê Gulane Roşanê Ziwanê Kurdkî pê aktîvîteyanê cîyayan pîroz kena.
Hetê Mudirîya Şûbeyê Pawitiş û Averberdişê Ziwanan ê Serekîya Daîreya Karanê Kultur û Komelkîyan ra, tarîxanê 10, 15 û 17ê gulane de çalakîyê Roşanê Ziwanê Kurdî do virazîyî.
Çarçewaya programî de 10ê gulane de bi şîarê "Ma seba ziwanê dayîke vaz danê" mabênê Sumerpark û Meydanê berê Koyî de vazdayîş do bêro organîzekerdene.
Kayê Moraşîn
15ê gulane de zî Merkezê Kultur û Kongreyî yê Çand Amedî de kayê "Moraşîn" do bêro sahnekerdene.
Şayîya gedeyan û Ciwanan
Çalakîyî, 17ê gulane de bi "Şayîya Gedeyan û Ciwanan" do Sumerparkî de bêra viraştene.
Şayî de zaf çalakîyê sey xebatê atolye, nawitişê kuklayan, muzîk, rîtim, drama û kayê gedeyan virazîyî.