Hemşaredarê Bajarê Girdî yê Amedî Serra Bucak û Dogan Hatun beşdarê mîtîngê 1ê Gulane bîyî ke Batman de ameybî viraştene. Hemşaredarî beşdarê kortejê xebatkaran zî bîyî.

Hemşaredarê Bajarê Girdî yê Amedî Serra Bucak û Dogan Hatun seba ke beşdarê mîtîngê Batmanî yê 1ê Gulane bibê, şîyî Batman.

Şîyî zîyaretê Şaredarîya Batmanî

Hemşaredarê Bajarê Girdî yê Amedî Serra Bucak û Dogan Hatun şîyî zîyaretê Şaredarîya Batmanî. Zîyaretî de Hemşaredara Batmanî Gulîstan Sonuk, Hetkarê Serekîye Çigdem Sevîm Demîr, Mustafa Tugyildiz û encumenî mêmandarîya Hemşaredaranê Bajarê Girdî yê Amedî kerdî.

Hemşaredarî beşdarê kortejê xebatkaran bîyî

Zîyaretî ra dima Hemşaredarî Serra Bucak û Dogan Hatun beşdarê kortejê xebatkaran bîyî û înan reyde pîya rayîr şîyî. Beşdarîyêka zafe est bî kortejî de û kortejî bûlwarê Turgut Ozalî de ameyî têhet û dima ver bi Parka 8ê Adare şîyî.

Hemşaredaran da zanayene ke ê do hertim karker û kedkaran reyde bibê.