Şaredarîya Bajarê Girdî yê Amedî tesîsanê xo de 200 hezar çîçegê Petûnya, Zînya û Qedîfe kerdî pîl û do park û refujan ra bida ronayene.

Serekîya Daîreya Park û Baxçeyan ê Şaredarîya Bajarê Girdî yê Amedî xebatanê dewam kena ke bajar hîna bibo keskayî. Şaredarîya Bajarê Girdî yê Amedî tesîsanê xo de 200 hezar çîçegê Petûnya Zînya û Qedîfe kerdî pîl û do park û refujanê Sûr, Baglar, Kayapinar û Yenîşehîrî de bida ronayene.

Goreyê îklîmê herême nê çîçegî ameyî weçînayene û sewbîna 2 hezar çîçegê, lawanta, bîberîye, gavurû ûsn çîçegî zî ameyê ronayene.

Şitilî şarî rê bêpere ameyê dayene

Serekîya Daîreya Park û Baxçeyan ronayîşê çîçegan ra teber park û refujan de wekerdişê vaşî zî kena ke ca abîyo seba ronayîşî.

Serekîya Daîreya Park û Baxçeyan 433 Çamê Îranî, 119 hebî zî darê bînî(lawanta, bîberîye, gavura) bêpere vila kerdî

Amed do bibo bajarê gul û çîçegan

Serekîya Daîreya Park û Baxçeyan seba ke bajar bi gul û çîçegan bêro vîrameyene xebatanê xo dewam kena, 4 hezar hebî gulêrî zî do park û refujan ra bêrê ronayene.