Hemşaredara Amedî Serra Bucak, beşdarê pîrozkerdişê şampîyonbîyayîşî ya Amedsporî bîye ke vejîya Lîgê Sûperî, ke Parka Newroze de bi beşdarîya bi se hezaran ame organîzekerdene.

Futbolîstê Amedsporî û heyetê teknîkî ke bi coşêko pîl ê terefgiran ameyî sahne, kupaya şampîyonbîyayîşê Lîgê 1. hewana.

Se hezaranê ke bi rengê kesk-sûrî Parka Newroze pirr kerd, bi deyîr û govendan serkewtişo tarîxî pîroz kerd.

Pîrozkerdişan de Hemverfekê ma yê Meclîsê DBByî Demet Ceylan û Ayhan Karatekin, Hemşaredarê Mêrdînî yê Şaristanê Girdî Ahmet Turk û Devrîm Demîr ke cayê înan de qeyyûm ameyo tayînkerdene, Hemşaredarê Wanî yê Şaristanê Girdî Abdullah Zeydan û Neslîhan Şedal ke cayê înan qeyyûm ameyo tayînkerdene, parlamanterî, hemşaredarê qezayan, endamê Meclîsê Mayanê Aştîye, temsîlkarê partîyanê sîyasîyan û rêxistinanê komelê sîvîlî, Serekê Klûba Amedsporî Nahit Eren û futbolîstan ca girewt.