Şaredarîya Amedî ya Şaristanê Girdî, Qezaya Baglarî de Cadeyê Cengîzler û Bulwarê Aydın Arslanî de xebata asfaltî ke dest pêkerdbî, qedêna.

Serekîya Daîreya Koordînasyonê Pawitiş û Viraştişê Rayîran, pêroyê bajarî de bulwar û cadeyî ke hetê şertanê derûdorî û hewayî ra xirab bîyî newe kena û dekena xizmetê şarî.

Ekîbê Şaredarîya Şaristanê Girdî, na çarçewa de Qezaya Baglar de Cadeyê Cengîzler û Bulwarê Aydin Arslanî de xebata asfaltî kerd.

6 hezar 300 ton asfalt ame rokerdene

Ekîbî dima Cadeyê Cengîzler ke 1 hezar 100 metre derg o, pêro pîya 3 hezar ton, Bulwarê Aydin Arslanî ke 1 hezar 200 metre derg o zî 3 hezar 300 ton asfalt rokerd. Ekîban di cayan de pêro pîya 6 hezar 300 ton asfalt rokerd.

Cadeyê Cengîzler û Bulwarê Aydin Arslanî trafîkî rê ame akerdene.

Xebatî do dewam bikê

Şaredarîya Şaristanê Girdî, rayîranê merkezê bajarî û taxanê dewan de xebatanê newekerdişî do dewam bikero.