Şaredarîya Amedî ya Şaristanê Girdî, xebatanê xo yê piştîdayîşê heqê averşîyayîş û sosyalbîyayîşê weşîye yê gedeyan dewam kena. Nê warî de aktîvîteya asnawe ke ame organîzekerdene de Taxa Ben û Sen a Qezaya Yenîşehîrî ra 120 gedeyî beşdar bîyî hem perwerdeyê asnawe girewt hem zî rojêka weşe vîyarnaye.

Gedeyê ke bi erebeyanê servîsî yê Şaredarîya Aeedî berdî Hewza Asnawe ya Nêm-olîmpîk a Seyrantepeyî ya qezaya Yenîşehîrî, înan rê bone û verçimikê asnawe ameyî dayene.

Perwerdekaranê pisporan ra gedeyan perwerdeyê asnawe girewt, eynî wext de mirdîya xo keyfweş bîyî. Aktîvîte de gedeyan rê îkramê cîya-cîyayî ameyî kerdene. Peynîya programî de gedeyî reyna bi erebeyanê şaredarîye berdî keyanê xo.