Şaredarîya Amedî ya Şaristanê Girdî Qezaya Pasûr de 3 hezar û 300 metre borîyê awa şimitişî ronayî û problemê awa şimitişî yê Taxa Yakitî û Mezraya Cebecî safî kerd.

Mudirîya Pêroyî ya DÎSKÎ qeza û dewan de seba ke problemê awe safî bibo xebatanê xo dewam kena.

Ekîbanê DÎSKÎ seba ke problemê awa şimitişî yê Taxa Yakitî ke 87 keyeyî û 550 nifûsê ci est o û yê Mezraya Cebecî safî bibo, seba ronayîşê 3 hezar û 500 metre borîyan dest bi xebate kerd.

Ekîbê DÎSKÎ verê 2 hezar metre xeta awe Taxa Uzunovayî de ke 4 kîlometreyî dûrî ya, akerde. Dima zî borîyê hezar û 500 metre yê kanî ke kalîteyê ci zaf xirab bî, bedilnayî û borîy polîetîlenê 75inî nayî ro. Bi no hewa problemê awa şimitişî yê taxe û mezra bi hawayêko daîmî ame safîkerdiş.

'Ma muracat kerd, dest bi xebate bî'

Muxtarê Taxa Yakitî Selman Kiliçî va ke taxe de 87 keyeyî û 550 merdimî ciwîyenê. Kiliçî wina dewam kerd: "Xeta ma her roje teqîyayêne. Ma muracat kerd. DÎSKÎ vengê ma eşnawit û dest bi xebate kerd. Hezar û 500 metre borî ardî û xebitîyayî. Ez bi nameyê dewe xo sipas kena".

'Bi saya DÎSKÎ problemê awa ma safî bî'

Ekrem Yoluyî ke Taxa Yakitî de ciwîyeno, va ke xeta înan kan bîye û coka zaf teqîyayêne û problemê awe antêne. Yoluyî va ke bi saya DÎSKÎ ke xete newe ra ronaye, problemê înan safî bîyo.