Şaredarîya Amedî ya Şaristanê Girdî, wendekarê ke wazenê bikewê îmtihananê Wendegehê Berzî yê Perwerdeyê Beden û Sporî, înan bêpere îmtihanan rê hazir kena.

Serekîya Daîreya Xizmetanê Ciwan û Sporî, seba ke ciwanan rê piştî bido bi şîarê "Ciwanî Ameyox ê" kursanê bêpereyan organîze kena. Nê kursan ra yew zî kursê hazirîye yê Îmtihananê Wendegehê Berzî yê Perwerdeyê Beden û Sporî (BESYO) yo. Salona Sporî ya Şaredarîya Baglarî de kursê ke perwerdekarê profesyonelî danê, 6 rojê hewteyî de yenê dayene.

Hişyarîya Vera Girêdayîşê Madeyan

Sewbîna antrenorê Şaredarîya Şaristanê Girdî, wendekaranê beşdarê kursan rê vera tiryak û girêdayîşanê madeyan de xebata hişyarî zî kenê. Perwerdekarê ke kursîyeran warê vera tiryak û girêdayîşê madeyan de baldarî ser o melumat danê, bi motoya "Girêdaye mebe azad be" xebata hişyarîye zî kenê.