Mudirîya Pêroyî ya DÎSKÎ ya Şaredarîya Amedî ya Şaristanê Girdî, seba projeyê Santralê Enerjîyê Rojî (GES) ke seba kêmîkerdişê mesrefanê enerjî planê xo kerd, Wezaretê Derûdor, Bajarwanî û Vurîyayîşê Hewayî ra qebulê Cigêrayîşê Tesîrê Derûdorî (ÇED) girewt.

Projeya GES ke do qezaya Pîran de Taxa Dereyî de girawa 129, parsel 14 de cayêko 520 donimî de bêra ronayene û hêzê ey do 30 MW bo, hetê Wezaretê Derûdor, Bajarwanî û Vurîyayîşê Hewayî ra ame qebulkerdene. Çarçeweya projeyî de santral de 66 hezar hebî 545 Wp panelî û 120 hebî 250 kWe înverterî do bêrê şuxulnayene. Hedef o yo ke santral serrêk de teqrîben 62 mîlyon 947 hezar û 500 kWh elektrîk virazo.

Nêzdîbîyayîşê ekolojî

Mudirîya Pêroyî ya DÎSKÎ îlan kerd ke proje do bi metodanê dostê derûdorî bêro tetbîqkerdene û do bi hawayêko ke zerar nêdo şarê ke derdor de ciwîyeno, heywanan û tebîetî bêro caardene.

Mudirîya Pêroyî ya DÎSKÎ do bajar de projeyanê xo yê dostê tebîetî dewam bikero.