Tesîsê komelkî yê fîskaya bi dîzaynêko newe xîzmetê şarî de yo
Şaredarîya Şaristanê Girdî, Tesîsê Komelkîyê Fîskaya ke şar tira Royê Dîcle û Baxçeyê Hewselî temaşe keno, newe kerd û reyna dekerd xizmetê şarî.
Şaredarîya Amedî ya Şaristanê Girdî, Tesîsê Komelkî yê Fîskaya newekerd û reyna dekerd xîzmetê şarî. Tesîso ke şar tira Royê Dîcle û Baxçeyê Hewselî şêno temaşe bikero, prosesêko girseyî yê pawitiş û tamîrî ra dima dîzaynêko modern girewt.
Eynî wext de şêno 300 kesan rê xîzmet bido
Tesîs bi hawayêko ke ameyo dîzaynkerdene eynî wextî de 300 kesan rê şêno xîzmet bido. Terasê temaşeyî ke zîyaretkerdoxan rê manzareyêko bêemsal pêşkêş keno, do bêpere xîzmet bido.
Tesîs mîyan de kafeyî de şarî rê bi vayîyêka munasibe werd û şimitiş yeno servîskerdene. mabênê saetanê 09.00 û 23.00 akerde yo.