Şaredarîya Amedî ya Şaristanê Girdî, Fuarê Kitaban ê 8. de stand akerdo û bi malzemeyê daşinasnayîşî kulturê bajarî dana şinasnayene.

Fuarê Kitaban ê Amedî yê 8. ke hetê TUYAP û Yewîya Weşankaranê Tirkîya ra pîya Merkezê Fuar û Kongreyî yê Mezopotamya yê Mîyanneteweyî de ameyo akerdene û 216 weşanxaneyan stand akerdo, 400î ra vêşêr nuştox û şaîrî do kitabheskerdoxan reyde bêrê têhet, roja xo ya dîyine de dewam keno.

Serekîya Daîreya Karê Kulturî û Sosyalî, standê xo yê fuarî de, bi kitabanê ke Şaredarîya Amedî ya Şaristanê Girdî weşanayê, tarîx û kulturê bajarî dana şinasnayene.

Standê Şaredarîya Şaristanê Girdî ke şarî ra eleqeyêko zaf vîneno, heta 8ê Kanûne ke fuar dewam keno, do zîyaretkaranê ke yenê rê Amedî bido şinasnayene.