Mudirîya Pêroyî ya DÎSKÎ ya Şaredarîya Amedî ya Şaristanê Girdî, Taxa Kuyular û Abacilara qezaya Hêni de xeta awa şimitişî de ke zaf rey xirabe bîyêne, tesbît kerd ke malzemeyê bêkalîteyî û bêmukawemetê tazyîqî ameyo xebitnayene. Ekîban 1030 metreyê xete ke Kanûna 2023î de virazîyaybî, newe kerd.

Ekîbanê Mudirîya Pêroyî ya DÎSKÎ ya Amedî, seba ke xeta awa şimitişî ya Taxa Kuyular û Abacılar a qezaya Hêni de zaf rey xirabin bîyêne, cayê xo de kontrol kerd. Ekîban tesbît kerd ke xeta awa şimitişî ya terfî ya 4 hezar û 330 metreyî ke Kanûna 2023î de ronîyaybî, tede malzemeyê bêkalîteyî û bêmukawemetê tazyîqî ameyo xebitnayene.

Ekîbanê DÎSKÎ, qismê 1030 metreyî yê xeta ke zaf rey xirabe bîyêne, newe kerd. Ekîban verê cû 630 metre, dima 400 metreyê xete bedilnaye kerd borîyê polîetîlenî yê 160inî yê kalîteyin û mukawemetî û bi no hewa çareyêko daîmî temîn kerd.

Ekîbî do seba ke awa şimitişî de çi problemo ke nêvejîyo, xebatanê xo dewam bikerê.

Mudirîya Pêroyî ya DÎSKÎ, merkezê bajarî û Taxanê dewe de xebatanê awa şimitişî û binawanî bêvindertene dewam kena û do dewam bikero ke çareyanê lez bîyaro waştişanê şarî rê.