Şaristanê Pîlî ya Amedî, noktayanê cîyayan ê şaristanî de bi sazkerdişê îstasyonanê şarjî yê wasitayanê akuyinan, dewamê pîştîdayîşê xo kena ke astengdarî bi hewayo têduşt û xoser tewrê cuya şaristanî bibê.

Serekîya Daîreya Xizmetanê Kalan û Astengdaran, çarçiwayê xebatanê ke bi mottoyê ““Amedo ke Eşkeno Bêro Ciresayene” kena de, îstasyonê şarjî yê ke hîna verî Merkezê Destekê Astengdaran ê Sumerparkî, Meydanê Berê Koyî, Kuçeya Hunerî, Merkezê Pîyaciwîyayîş ê Parkormanî, Keyeyê Meleyan ê Kayapinarî û Keyeyê Meleyan ê Şehîtlîkî de kerdîbî ya, înan ser o di teneyê bînî zêde kerdî.

Seba bitemamî tewrê şaristanî bîyayîşî îmkanê şarjî

Waranê ke şar zaf xebitneno de, bi talebê hemwelatîyanê astengdaran, verê Bînaya Xîzmetî yê Şaredarîya Şaristanê Pîlî ya ke şarê ma zaf xebitneno û verê Merkezê Kongre û Kulturî yê Çand Amedî de di îstasyonê şarjî yê wasiteyanê akuyinan ê neweyî seba xizmete amey akerdene. Sîya nê îstasyonanê ma de ke bi surat û bêpere îmkanê şarjî danê, xebitnayoxê wasiteyanê akuyinan wexto ke şaristan de dem vîyarnenê, eşkenê wasitayanê xo, biemnîyet şarj bikerê.

Mudîrîya Şubeyê Astengdaran bi amanco ke heqê xo ser hereket kerdişî yê astengdaran pêt bikero, noktayanê neweyan de ke lazimîye pê est a, bi yew planî do dewam bikera ke îstasyonan saz bikera.