Hemşaredarê Amedî yê Şaristanê Girdî Serra Bucak û Dogan Hatunî, Hemşaredarê Şaredarîya Kayapinarî Berîvan Gulşen Sincar û Cengîz Dundarî zîyaret kerdî.

Hemşaredarê Şaristanê Girdî Serra Bucak û Dogan Hatun, şîyî Şaredarîya Kayapinarî. Hemşaredarî Berîvan Gulşen Sincar û Cengîz Dundarî, Hemşaredarî Serra Bucak û Dogan Hatunî vera awanîya xizmetî ya şaredarîye de qebul kerdî.

Hemşaredarî Bucak û Hatunî, seba Hemşaredarê Şaredarîya Kayapinarî Cengîz Dundarî ke 30ê Teşrîna Peyêne 2024î de tepiştbî û 13ê Çeleyî de veradîyabi, "wa weş bo" va û vilî pêşkêş kerdî.

Badê qebulî Hemşaredarî Bucak û Hatun, Sincar û Dundarî reyde ameyê têhet. Zîyarete de derheqê xizmetanê şaredarîye de fikrî ameyî parekerdene.