Hemşaredara Şaredarîya Amedî ya Şaristanê Girdî Serra Bucak beşdarê Kombîyayîşê Komîteya Sîyasî ya CEMR’yî bî ke bajarê Karlsruhe yê Almanya de organîze bî.

Hemşaredara Şaredarîya Şaristanê Girdî Serra Bucak seba Kombîyayîşê Komîteya Sîyasî ya Meclîsê Şaredarî û Herêmanê Ewropa (CEMR) ke a delegeya ey a, şîye bajarê Karlsruhe yê Almanya.

Delegasyonê Yewîya Şaredarîyanê Tirkîya (TBB) ke endama CEMR’yî yê, Hemşaredara Bucake ra teber, Serekê Şaredarîya Eskîşehîr ya Şaristanê Girdî Ayşe Unluce, Serekê Şaredarîya Semsûrî Ebdurrehman Tutdere, Serekê Şaredarîya Uskudarî Sînem Dedeoglu û Sekreterê Pêroyî yê TBB’yî Suat Yildiz zî beşdar bîyê.

Kombîyayîş bi gêrayîşê saha dest pêkerd

Kombîyayîşo ke di rojî rameno, bi gêrayîşê sahayî yo ke seba têvernayîşê sîstemê resî yê bajarê Karlsruhe virazîya, dest pêkerd. Roniştişê ke meseleyanê îdarî yê CEMR’yî ser o do bêrê munaqeşekerdene, zaf rovejê bînî sey resê bajarî, wextê krîzan de mabênê şar û komelan de viraştişê pirdan û wextê şerî de girêdayîşê şaredarî û bajaran do bêrê munaqeşekerdene.