Şaredarîya Şaristanê Girdî ke fîloya xo rê 49 otobusê neweyî îlawe kerdî, seba ke cinî komelî de hîna asaye bibê, komresî de 12 şoforê cinî îstîhdam kerdî. Şoforê ke vanê "ma do tabûyan birijnê" îfade kerd ke cinî komresê şaristanî de xeylê çîyan do bivurnê.

Şaredarîya Amedî ya Şaristanê Girdî, seypêyîya cinsîyetê komelkî heme qadanê xîzmetî de sey prensîbê bingehîn kerdo esas û dewam kena ke heqê îstihdamê cinîyan qurt bikero. Seba ke konforê resî zêde bikero û komresê şaristanî asan bikero, 49 otobusê neweyî fîloya xo rê îlawe kerdî û nê prosesî de seba ke cinî komelî de hîna asaye bibê, xebatêka muhîme kerde.

12 şoforê cinî

Erebeyanê neweyan reyde nika komresî yê şaristanî de 12 cinî Şoforî ke 40 rojî perwerde dîyo, do bixebitîyê. Cinî ke bi serranê dergan vera cîyakerdişî de mendî û qada resî ke sey "karê camerdan" yeno vîneyane, tede ca girewtiş, hem heqa îstihdamî hem seypêyîya komelkî hem zî qada resî rê dewrêko newe ano.

"Ma wazenê seba înanê ke wazenê nê karî bikê, bibê nimune"

Şofora cinî Şenay Kurekçî va: "Cayê ke destê cinî dest pano, rind beno" û wina dewam kerd: "Nê trafîkê amedî yê probleminî de ramitişê otobusêka 12 metreyî zehmet o, ma wazenê herkesî rê bimojnê ke ma zehmetîyan de ser kewenê, ma wazenê seba herkesî ke wazenê nê karî bikerê, bibê nimûne."

Heme cinîyê ke Şaredarîya Amedî de şoforîya komresî kenê, yew bi yew îfade kerd ke ê wazenê tabûyan birijnê û no karo ke tira vajîyeno “karê camêrdan” o, bikerê û nê tabûyî birijnê.