Kongreya Fehmkerdişê Şîdetî ya Mîyanneteweyî ya 8. bi temaya "Gede û Şîdet" Unîversîteya Dîcle de ameye viraştene.

Bi pardarîya Şaredarîya Amedî ya Şaristanê Girdî, hemparîya ÎMDAT’î (Komela Vindarnayîşê Şîdetî û Rehabîlîtasyonî ya Tirkîya) û Unîversîteya Dîcle, Kongreya Fehmkerdişê Şîdetî ya Mîyanneteweyî ya 8. bi temaya "Gede û Şîdet" Unîversîteya Dîcle de ameye viraştene.

Beşdarê kongre ke do 2 rojî dewam bikera, Hemşaredara ma Serra Bucak, Hemverfeka Meclîsê ma Demet Ceylan, Rektorê Unîversîteya Dîcle Prof. Dr. Kamuran Eronat, akademîsyenî, pisporî û temsîlkarê rêxistinanê komelê sîvîlî bîyî.

Bucak ke akerdişê kongre de selam da beşdaran û qisey kerd, bale ante ser o ke Amed warê heqanê gedeyan de şaristanêko nimune yo, û va: "Seba ameyoxêko ke gedeyî tede şîdetî ra dûrî yê, biemnîyet û birûmet ciwîyenê, ma do xebatanê xo dewam bikerê."