Di bin banê beşên cûda yên Şaredariya Bajarê Mezin a Amedê de bi hezaran hemwelatî ji kursên ku di beşên cûda de hatine vekirin ên wekî werzîş, huner, perwerde û pêşketina kesane sûd wergirtine.

Şaredariya Bajarê Mezin bi têgihiştina şaredariyeke gelparêz û beşdar ji bo jin, ciwan, zarok û hemwelatiyên astengdar, gelek kurs û perwerdeyên berfireh organîze dike. Kursên ku di gelek beşan de hatine vekirin, ji çandê heta werzîşê, ji pîşesaziyê heta pêşketina kesane, beşdarbûna bi hezaran hemwelatiyan a jiyana civakî zêde dikin û wekheviya fersendê xurt dikin.

Şaredariya Bajarê Mezin bi kurs û bernameyên perwerdeyê yên ku di bin banê daîreyên cûda de vedike, digihîje beşên berfireh ên civakê û derfetê dide hemwelatiyan ku xwe pêş bixin û werin karkirin.

1089 jinan jê sûd wergirtin

Di nav Navendên Jiyana Jinan ên ku di bin banê Midûriyeta Xizmetên Jin û Malbatê de dixebitin de, bi tevahî 11 bernameyên kurs û perwerdeyê yên cûda hatin organîzekirin. 223 jin beşdarî atolyeya tekstîlê bûn, 246 jin beşdarî perwerdehiya melevaniyê bûn, 150 jin beşdarî kursa werzîşê bûn, 63 jin beşdarî navenda etudê bûn, 30 jin beşdarî kursa lênihêrîna klîma, kombî û petekan bûn, 6 jin beşdarî tamîrkirina mobîlyayê bûn, 65 jin beşdarî atolyeya pedê bûn, 32 jin beşdarî perwerdehiya komputera bingehîn bûn, 15 jin beşdarî perwerdehiya anîmasyona 3D bûn, 123 jin beşdarî perwerdehiya karesatê bûn û 136 jin jî beşdarî perwerdeyên hişyarkirina tiryakê bûn. Bi vî awayî bi tevahî hezar û 89 jin ji van çalakiyên kursê sûd wergirtin.

Kursên ji bo astengdaran

Midûriyeta Xizmetên Astengdar û Kalûpîran ku ji bo zêdekirina beşdarbûna astengdaran di jiyanê de û çêkirina bajarekî gihîştî xebatên xwe dimeşîne, 354 kes jî ji xizmetên xwe yên ji bo hemwelatiyên astengdar ên zêhnî, otîstîk û ortopedîk sûd wergirtin. Bi xebatên ku di hemû beşan de hatine kirin, bi tevahî hezar û 5 kes hatin gihîştin; 354 kesên astengdar ên zêhnî, 277 kesên otîstîk, 89 kesên sendroma Down, 49 kesên astengdar ên bihîstinê, 71 kesên astengdar ên dîtinê û 165 kesên astengdar ên ortopedîk.

750 zarok beşdarî kursan bûn

Di bin banê Midûriyeta Şaxa Zarokan a Midûriyeta Xizmetên Civakî de, ku ji bo pêşketina piralî ya zarokan xebatan dike, 11 atolye hatin vekirin. Bi atolyeyên resim, şano, muzîk, lîstikên hiş û zêhnî, Îngilîzî, komputer, satranç, çêkirina lîstokên darî, Kurdî, lîstikên zarokan ên kevneşopî û boyaxkirina darê, zarok hem di warê çand-huner û hem jî di warê ziman û jêhatîbûnê de hatin piştgirîkirin. Bi tevahî 750 zarok ji van kursan sûd wergirtin.

Dibistanên Werzîşê yên Havînê

Midûriyeta Xizmetên Ciwanan û Werzîşê jî di çarçoveya Dibistanên Werzîşê yên Havînê de di 11 beşan de kursên werzîş û pêşketina kesane organîze kirin. Hezar û 100 xwendekar beşdarî kursa futbolê, 2 hezar û 100 xwendekar beşdarî perwerdehiya melevaniyê, 450 xwendekar beşdarî voleybolê, 300 xwendekar beşdarî basketbolê, 300 xwendekar beşdarî tenîsa kortê, 350 xwendekar beşdarî kursên karate û taekwondo bûn, 100 xwendekar beşdarî hentbolê, 300 xwendekar beşdarî kodkirina robotîk bûn, 300 xwendekar beşdarî lîstikên hiş û zêhnî û 200 xwendekar jî beşdarî kursa Îngilîzî bûn. Bi vî awayî bi tevahî 5 hezar û 850 zarok û ciwan hatin gihîştin.

Her wiha midûriyetê bi kursa ku vekiriye 65 xwendekarên ku xwestin bikevin ezmûnên Dibistana Bilind a Perwerdehiya Bedenî û Werzîşê (BESYO), bêpere amade kirin.

318 kes di 8 kursên cuda de gihîştin

Midûriyeta Karûbarên Çand û Civakî ku ji bo gihandina bernameyên hunerî û çandî ji hemwelatiyên bajêr re xebatan dike, ji bilî çalakiyên çandî û hunerî, bi kursên cuda yên di warê muzîkê de gihîşt hemwelatiyan. Di 8 kursan de bi tevahî 318 kes hatin gihîştin: saz 60, gîtar 50, keman 36, pîyano 20, bilûra kêlekî 10, resim 25, klarnet 5, bilûr û kaval 12 û kursa zimanê Kurdî 100 kes.

Bi saya kurs û atolyeyên ku ji aliyê Şaredariya Bajarê Mezin ve hatine vekirin, beşên cuda yên hemwelatiyên bajêr jêhatîbûnên pîşeyî qezenc dikin, hemwelatiyên astengdar bêtir beşdarî jiyana civakî dibin, zarok di warên çand, huner û ziman de pêşve diçin û ciwan jî bi perwerdeyên werzîş û teknolojiyê amadehiyên xwe yên ji bo paşerojê didomînin.