Şaredarîya Amedî ya Şaristanê Girdî ekîbêk organîze kerd û na ekîbe goristanê heme bajarî bi hewayêko rutîn pak kena.

Şaredarîya Şaristanê Girdî, çarçewaya kampanya pakkerdişî de ke bajarî de dest pêkerdbî, reyna dest bi xebatanê miqat û pakkerdişê goristanan kerd. Ekîbê pakkerdişî ke na çarçewe de ameyê organîzekerdene, bi hawayêko rutîn goristanan de pakkerdiş û organîzasyonê derdorî kenê. Mudirîya Şûbeyê Goristanan a Daîreya Weşîye, seba ke şar bieşko cayêko weş û rehet de zîyaretê mezelan biko, bi baldarî teqîbê xebata pakkerdişî kena.

Mudirê Şûbeyê Kar û Barê Goristan û Cenazeyan Remzî Ozerî derheqê xebatan de malumat da û dîyar kerd ke demê qeyyûmî de goristanan de problemê girdî bîyê. Ozerî va: "Ma ke dest bi wezîfeyî kerd, ma rastê mendeyanê 8 serran ameyî. Ma goristananê xo yê akerdî û girewteyan de rastê problemanê girdan ameyî. Wina kom bîbî ke ma nêeşkayêne vaşanê xoseran ra şêrê mîyanê goristanan. Ma bi lez ekîbê pakkerdişî organîze kerdî, ma programê heftane, mengane û serrane viraştî. Na çarçewaya programî de ma bi hawayêko cîddî û rûtîn dest bi xebatanê xo kerd." Ozerî îfade kerd ke miqat û pakkerdişê goristanan seba înan zaf muhîm o û goristanî do bi hawayêko rutîn bêrê pakkerdene.