Hevserokên Şaredariya Bajarê Mezin a Amedê Serra Bucak û Dogan Hatûn, 1ê Gulanê Roja Karker û Kedkaran a Cîhanê li gel û kedkaran pîroz kir.

Hevşaredarên Amedê Serra Bucak û Dogan Hatûn bi wesîleya 1ê Gulanê Roja Karker û Kedkaran a Cîhanê peyamek weşand. Hevserokan diyar kir ku ked û xwerêveberiya gel der barê rêveberiya bajêr de îradeyek nîşan daye û da zanîn ku êdî têkoşîna wekhevî û edaletê dest pê kiriye.

'Em roja kedkar û gelê xwe pîroz dikin'

Peyama Hevserokatiyê ya 1ê Gulanê wiha ye: “Bi modela rêveberiya xwe ya tevlêker, azadîxwaz û demokratîk erka me ye ku em têkoşîna kedkaran ji berê heta niha bimeşînin û bi pêş bixin. Kevneşopiya me ya rêveberiyên xwecihî ya ku ji salên 70î heta îro me li hev kiriye, her tim li kêleka keda civakî cih girtiye û ji niha û pê ve jî wê bidome. Li dijî hemû zextan em ê bi dirûşma 'Em ê xwe û bajarê xwe bi rê ve bibin' parastina ked û vîna xwe bikin.

Em hemû kesên ku ji bo mafên karkeran têdikoşin û li cem ked û kedkaran disekinin silav dikin û 1ê Gulanê Cejna Karker û Kedkaran li gelê xwe pîroz dikin, di serî de hemû dostên xwe yên ku piştgiriyê didin xebatên me û hemû kedkarên li qadên rêveberiyên herêmî.

Bijî 1ê Gulanê!

Biciwîyo 1ê Gulane!”