Serekîya Daîreya Polîtîkayanê Cinîyan a Şaredarîya Amedî ya Şaristanê Girdî Raporê Şîdetê Vera Cinîyan ke bingeyê muracatanê ke cinîyan ra ame amadekerdene, şarî reyde pare kerd.

Raporî de ke bingeyê 393 muracatanê ke serra 2025î de ameyî DÎKASÛMî û Xeta Alo Şîdetî ser o ame amadekerdene, ame dîyarkerdene ke şîdetê vera cinîyan problemê kesî nîyo, problemêko strukturel o ke bingeyê neseypêyîya cinsîyetê komelkîye ser o ya.

Raporî de ke ame dîyarkerdene ke %88ê şîdetî mîyanê keyeyan de yo, beşê netîce de bale ame antene ser ke têkoşînê vera şîdetî de ganî polîtîkayê heqbingeyinî, seypê û cinîmerkezî bêrê xurtkerdene.